Dekor: Winterwenners
 

Dekor: Winterwenners

Kul die koue met ‘n verskeidenheid sagte, snoesige komberse, kerse, warmwatersak of nuwe koffiebekers.

Marelize Murray is ’n binnenshuise ontwerper in Kimberley. Sy glo dat jy jou sintuie kan gebruik om jou huis dié winter in ’n knus tuiste te omskep.


Sig

• Kies ’n mooi legkaart en bou koue aande saam met jou gesin. Raam julle spanpoging en hang in die woonkamer op.
• Vervang ’n paar foto's in bestaande fotorame of maak ’n versameling (collage) van jou gunsteling herinneringe.
• Gee ou houtmeubels ’n nuwe baadjie met ’n laag verf.
• Verander jou tafeldoek, skinkbordlappies, bedlinne en lapservette met ’n nuwe kleur wat in jou winterhuis pas.

Reuk

• Skaf gegeurde kerse of stokkies met wintergeure soos koffie, sandelhout, kaneel en sitrus aan.
• Jy kan ook ’n glashouer met koffiebone vul en ’n klein T-liggie daarin plaas.
• Versier gewone kerse met kaneelstokkies en growwe tou.

Voel

• Herorganiseer jou meubels sodat jy die winterson optimaal kan benut.
• Bring sagte en warm teksture in jou huis en belê in ’n paar ferweelstrooikussings en bonkige gebreide komberse (throws).
• Trek ’n nuwe baadjie vir jou warmwatersak aan en bederf jouself met dik wintersokkies.
• Skaf ’n groot geweefde mat aan vir ’n warm gevoel.

Hoor

• Steek die kaggel aan.
• Belê in ’n paar nuwe CD’s.

Proe

• Wees op die uitkyk vir nuwe koffie- en sopbekers.
• Belê in ’n nuwe stel wynglase. - Ilette Coetzer

Is jy al 'n lid van ons Facebook?

Read 130 times

Leave a comment

Make sure you enter all the required information, indicated by an asterisk (*). HTML code is not allowed.

booked.net
Watter kompetisie wil jy aan deelneem?