Fotoblad: Vreemde troeteldiere
 

Fotoblad: Vreemde troeteldiere

Glitter kuier saam 'n paar Kimberliete met baie interessante troeteldiere.

Sianca Malan en haar Indiese ringnek, Chilli

Hoekom hierdie troeteldier?

Hy het 'n absolute wonderlike persoonlikheid met 'n liefdevolle, nuuskierige en spelerige natuur.

Iets oulik oor die dier?

Ek het eendag 'n bak springmielies gemaak en hy was op my skouer. Toe ek weer sien, spring hy in die bak en begin eet. Elke keer as ek hom probeer uithaal, pof hy sy vere op en maak klein ogies vir my. Dit is waar ek besef het dat hy mal is oor springmielies.

Anekin Grobbelaar en sy baardakkedis, Eragon en Meksikaanse fireleg tarantula, Hufflepuff

Hoekom hierdie troeteldier?

Ek hou van eksotiese spinnekoppe en alle tipe reptiele, akkedisse, likkewane, ens.

Iets oulik oor die dier?

Dragon, die wyfie, is baie mislik as ek haar wakker maak en sy klop teen haar hok se glas as sy iemand sien beweeg. Sy hou ook daarvan as haar maag gevryf word. Spinny kruip weg in die dak van die hok, maar sodra ek hom kos gee, spring hy op my arm om my skrik te maak.

Marise Fourie en haar Persiese skaap, Bettie

Hoekom hierdie troeteldier?

Haar mamma wou haar nie hê nie en ek het besluit om haar self groot te maak.

Iets oulik oor die dier?

Sy dra Huggies se broekiedoeke, slaap in die bed en sê nie “mê” nie, maar “mam”. Sy eet ook graag Simba-skyfies.

Lynnè Vorster en haar steenbokkie, Ore

Hoekom hierdie troeteldier?

My pa het die bokkie in die veld gekry. Die jakkalse het die mamma opgeëet. Sy was al 'n paar dae alleen in die veld en was baie maer en honger.

Iets oulik oor die dier?

Sy het die hasie as haar maatjie aanvaar. Hulle is altyd saam en soek mekaar. As Ore speel, stamp sy my bene met haar kop. Sy wil net melk drink as ek dit vir haar gee.

Simone de Bruin en haar boom-eekhoring, Levi

Hoekom hierdie troeteldier?

Nie 'n spesifieke rede nie, ek is so lief vir alle diere.

Iets oulik oor die dier?

Hy voel 'n mens se emosies aan. As ek hartseer is, is hy net so treurig en as ek gelukkig is, is hy omtrent laf en as ek kwaad is, raak hy ook opgewerk! Elke keer as ek hom uithaal, is dit asof hy al 10 koppies koffie in het, hy is so vol energie.

Carmen Gopane with her alpacas - the male is Berrywhite and the female is Paka

Hoekom hierdie troeteldiere?

The reason why we specifically choose alpacas is because of their cuteness. They have the most beautiful eyes, there have slender necks and have thick, flurry fur and a goofy like grin.

Iets oulik oor die dier?

Yes, many. One of our guys working at the zoo informed a new employee that he should pull the tail of the alpaca. Innocently the new employee didn’t know that this is one thing you should never do, as this will make the alpaca angry. When he did this the alpaca showered him with loads of spit. This is common for alpacas - if they get angry or irritated, they spit. - Du Plessis Janse van Rensburg

 

Is jy al 'n lid van ons Facebook?

Read 195 times

Leave a comment

Make sure you enter all the required information, indicated by an asterisk (*). HTML code is not allowed.

booked.net
Watter kompetisie wil jy aan deelneem?